بقلم الشاعر. هشام عبدالله..من كتاباتى هشام عبدالله عِرفتك كده ............ عِرفتك كده .. قلبك كده فيه طيبة كل البنى أدمين لا غريب .. ولا عقد والكلمه حلوه .. منك بشياكه فيها راحه للقلب .. ورزانه مافيهاش حاجات .. ولا تلميحات ولا بصوت عالى ويخض ويتعالى عِرفتك كده .. قلبك كده فيه طيبة كل البنى أدمين و الضحكه منك مليانه حب لسنين وسنين كلها طيابه طب تعالى أقول لقلبك على حاجه دى روحى لحبك تملى محتاجه وأنتِ بنظرة جميله مش محتاجه خلتينى أتربك ويمكن أتحرج وروحى ليكِ تتخطف وأعتبرها منك لقلبى موأمره .. ولا مٌغامره دا حبى ليكِ .. عايش فى النور .. مش فى الضلمه دا فيكِ أحساس وشئ جميل دخلتِ القلب وخليته يميل ما أنتِ كلك على بعض مش زى أى حد والضحكه اللى بشوفها منك مش على أى حد عِرفتك كده .. قلبك كده فيه طيبة كل البنى أدمين طب بلاش تبعدى لبعيد وإلا غربه السنين دا قلبى فى حٌبك عايش مسكين وأتمنى قربك طب حتى ضمك هكون بقلبى بيه سعيد ولا علشان دقه قلبى ليكِ مشتاقه تبعد عنها وتتشاقه دا ليكِ حب جوه قلبى .. وحاجات كتير ليكِ متشاله قربى ما تغيبى ما أنتِ بقيتىِ حبيبى وإلا من بعد السنين ميقدرش عليها قلبى المسكين ما أنا عِرفتك كده .. قلبك كده فيه طيبة كل البنى أدمين .........................