بقلم الشاعر. صبري رسلان......نار و دخان (229 ) ........................ وطعنت قلبي بقسوتك علقم مرار .. وبعت عشرة عمري ليك وتقول وداع .. هانت عليك دمعتي ولا شوفتهاش .. ونسيتني فارد شكويتك ولا صونتناش .. دلوقتي ناكر وقفتي ضهر و سند .. ووصالنا بستان حبنا بنت و ولد .. إحساسي دايما خايفه ليه غدر العيون .. ووشوش بتحقن بالأذى غل و سموم .. بالإسم عايشه حره أه في ضلمه وسجون لاشفع لي فرحي لفرحهم .. ودموع عيوني لحزنهم بكوني ياما بمكرهم والشوك ليه طارح ياما قالوا ياما وفرقوا بان ثمري مالح .. فيه حد ضامن بكرة عايش ولا رايح واللي أذاني يتأذى تكسيه الجوارح ولا يوم هسامح أي حد بشوكه جارح دي طيوري خضرا في عشها لسالها ريش عايزه الحنان عايزة الدفا عايزة تعيش .. ووكيلي ربي توب سند عالم بحالي .. هيقوي قلبي اللي إنجرح يرتاح لي بالي .. بقلم .. صبري رسلان